პარტნიორის გზამკვლევი

ჭკუის კოლოფის ძრავზე შეგიძლია ააწყო შენი ბიზნესის საკუთარი AI კონსულტანტი — შენი ხასიათით, შენი ცოდნით და შენს არხებზე: საიტზე, Telegram-სა და Facebook Messenger-ში.

რას მიიღებ

• ბოტი შენს საიტზე — ერთი ხაზის ჩასაშენებელი ვიჯეტი: მცურავი ღილაკი და ჩატის ფანჯარა, რომელიც შენს ბრენდს ერგება.
• იგივე ბოტი Telegram-სა და Messenger-ზე — ერთხელ ასწავლი, სამივე არხზე ერთნაირად პასუხობს.
• შენი ცოდნა — ატვირთავ ფაილებს (ფასები, მომსახურებები, წესები) და ბოტი პასუხებს მათ დააყრდნობს.
• შენი ხასიათი — ინსტრუქციით (system prompt) შენ წყვეტ, როგორი იყოს ბოტი: ტონი, ენა, თემატიკა, რაზე უპასუხოს და რაზე — არა.
• კითხვარის რეჟიმი — ღილაკებიანი სასაუბრო ხე, რომელსაც კლიენტი ნაბიჯ-ნაბიჯ მიჰყავს პასუხამდე.

საიდან დავიწყო

1. შედი პარტნიორის პორტალზე: developers.chkuiskolopi.ge და გაიარე რეგისტრაცია. ელფოსტის დადასტურებისას ანგარიშს 5 დოლარი საჩუქრად დაერიცხება — ბოტის აწყობა და ტესტირება უფასოდ დაიწყება.
2. პორტალში დაგხვდება „ოსტატი" — პარტნიორების პირადი დამხმარე. ის არა მარტო გიხსნის — ბევრ რამეს შენს მაგივრად აკეთებს: ბოტის შექმნა, ინსტრუქციის დახვეწა, ცოდნის ფაილების ჩასმა, კითხვარის აწყობა.
3. პორტალშივე ნახავ ბოტის ცოცხალ სატესტო ფანჯარას — ცვლილება მაშინვე მოქმედებს, გვერდის გადატვირთვა არ სჭირდება.
4. როცა მზად ხარ, აიღე ჩასაშენებელი კოდი (პორტალში — </> ღილაკი) და ჩასვი საიტში. ტექნიკური დეტალები — დეველოპერის გზამკვლევში.

ბოტის აღზრდა — ინსტრუქცია და ცოდნა

ინსტრუქცია (ხასიათი)

შენი ინსტრუქცია მთავარია: ტონი, ენა, თემატიკა, ქცევა, სპეციალიზაცია — ყველაფერს შენი დაწერილი ტექსტი განსაზღვრავს. პლატფორმა მხოლოდ უსაფრთხოების მინიმუმს იცავს (კანონიერება, სისტემური ინფორმაციის დაცვა, ბმულების გამართული ჩვენება) — დანარჩენში ბოტი შენს სიტყვას მიჰყვება.

ცოდნის კალათა

ატვირთე ფაილები, რომლებზეც ბოტმა პასუხები უნდა დააყრდნოს — კატალოგი, ფასები, წესები, ხშირი კითხვები:

• მაქსიმუმ 5 ფაილი ბოტზე, თითო ფაილი 5 MB-მდე, ჯამური ტექსტი 30 000 სიმბოლომდე;
• ფორმატები: PDF, DOCX, XLSX, TXT, CSV, MD, JSON;
• ფაილიდან მხოლოდ ტექსტი ინახება — ორიგინალი ფაილი სერვერზე არ რჩება;
• დასკანერებული (სურათებიანი) PDF-იდან ტექსტი ვერ ამოიღება — ატვირთე ტექსტური ვერსია.

ბოტი ამ ცოდნას ყოველ პასუხში ითვალისწინებს. ფაილის განახლებისას წაშალე ძველი და ატვირთე ახალი.

კითხვარი — ღილაკებიანი ხე

თუ გინდა, რომ ბოტმა სტუმარი ღილაკებით მიიყვანოს პასუხამდე („მენიუ მაინტერესებს" → „ყავა თუ საუზმე?"), ჩართე კითხვარის რეჟიმი. ხის აწყობა ოსტატს სთხოვე — სიტყვიერად აუწერე და ის ააგებს. სქემის დეტალები — დეველოპერის გზამკვლევში.

არხები — საიტი, Telegram, Messenger

ერთი და იგივე ბოტი სამივე არხზე ერთი ხასიათით, ერთი ცოდნით და საუბრის მეხსიერებით პასუხობს.

საიტის ვიჯეტი

• ჩასაშენებელი კოდი ერთი ხაზია — პორტალიდან დააკოპირე და საიტის კოდში ჩასვი (ინსტრუქცია).
• ვიჯეტი ნებისმიერ საიტზე მუშაობს — სპეციალური სერვერული აწყობა არ სჭირდება.
• დომენების სია: ჩაწერე შენი საიტ(ებ)ი და ბოტი მხოლოდ იქ იმუშავებს — სხვები შენს ბალანსს ვერ დახარჯავენ.

Telegram

1. Telegram-ში @BotFather-თან შექმენი ბოტი და აიღე ტოკენი.
2. პორტალში ბოტის „არხები" განყოფილებაში ჩასვი ტოკენი — და მორჩა: შენი Telegram-ბოტი ამიერიდან შენი AI კონსულტანტია.

Facebook Messenger

საჭიროა შენი ვერიფიცირებული Meta-ბიზნესი და Facebook-აპი. პორტალში ჩასვამ გვერდის ტოკენს (Page Access Token), სისტემა კი მოგცემს ორ მნიშვნელობას (Callback URL და Verify Token), რომლებსაც შენს Meta-აპში ჩასვამ. ნაბიჯ-ნაბიჯ ინსტრუქციას ოსტატი გაგატარებს.

იერსახე და ქცევები

გაფორმება შენს ბრენდზე

• ფერები: მთავარი (აქცენტის) ფერი, პანელის ფონი, ბუშტების ფერები — ღია ან მუქი სქემა.
• ფორმა: კუთხეების მომრგვალება, მცურავი ღილაკის ფორმა (წრე, აბი, კვადრატი).
• ლოგო: ატვირთე შენი ლოგო და მცურავი ღილაკი მას აჩვენებს (ან აირჩიე ემოჯი-ხატი).
• White-label: ნაგულისხმევად ვიჯეტის თავში წერია „powered by chkuiskolopi.ge" — სურვილისამებრ გამორთავ და ბრენდირება მთლიანად შენი რჩება.

ქცევები — „ცოცხალი" ჩატის შეგრძნება

ჩართვა-გამორთვადი ფუნქციები (პორტალის ბოტ-მოდალში ან ოსტატის თხოვნით):

მისალმება — უფასო „სახე"

დააყენე მისასალმებელი ტექსტი, რომელსაც ვიჯეტი პანელის პირველ გახსნაზე აჩვენებს. ის ლოკალურად ჩნდება და არაფერი ღირს — ყველა ბოტს ურჩევნია ჰქონდეს.

ბილინგი

• იხდი მხოლოდ რეალურ გამოყენებაში — ბოტის ყოველი პასუხი შენი ბალანსიდან იხარჯება.
• ვიჯეტი მუშაობს, სანამ ბალანსი 1 დოლარს აღემატება; მინიმალური შევსება — 10 დოლარი.
• რეგისტრაციაზე — 5 დოლარი საჩუქრად.
• გადახდა: ქართული ბარათით — ლარში, უცხოურით — დოლარში; PayPal-იც მიიღება.
• ბალანსის ამოწურვისას ელფოსტაზე გაფრთხილება მოგივა — ვიჯეტი კლიენტებთან უხმაუროდ არ „ჩაქრება".

უსაფრთხოება — რა უნდა იცოდე

• საჯარო გასაღები (public key): ვიჯეტის კოდში ჩანს და ეს განზრახ ასეა — ის მხოლოდ ბოტის ამოსაცნობი სახელია. დაცვის ნამდვილი კარიბჭე დომენების სიაა: ჩაწერე შენი საიტები და სხვაგან გასაღები არ იმუშავებს.
• ტოკენები საიდუმლოა: Telegram-ის და Facebook-ის ტოკენებს სისტემა ინახავს, მაგრამ არასდროს აჩვენებს — არც შენ, არც სხვას.
• შეუქცევადი მოქმედებები: ბოტის სხვა ანგარიშზე გადაცემა და ცოდნის ფაილის წაშლა უკან არ ბრუნდება; ბოტის „დაძინება" კი საიტზე ვიჯეტს აჩერებს — ფრთხილად.
• შენი მასალა შენია: ბოტი მხოლოდ შენს ატვირთულ ცოდნას და ინსტრუქციას იყენებს; სხვა პარტნიორის მონაცემებს ვერავინ ხედავს.

დახმარება

• ოსტატი — პორტალის ჩატში, ნებისმიერ კითხვაზე; ბევრ რამეს შენს მაგივრადაც გააკეთებს.
• ⛑️ ექიმის ყუთი — უფასო SOS პირდაპირ ადამიანთან: პორტალშივეა, შეტყობინება მხარდაჭერის გუნდს მიდის და ელფოსტით გიპასუხებენ.
• ელფოსტა: info@chkuiskolopi.ge

ტექნიკური ინტეგრაცია გჭირდება? გადადი დეველოპერის გზამკვლევზე — ვიჯეტის კოდი, API ცნობარი, კითხვარის სქემა.