დეველოპერის გზამკვლევი

ვიჯეტის ჩაშენება, კონფიგურაცია, კითხვარის სქემა და პარტნიორული REST API — ყველაფერი, რაც ინტეგრაციისთვის გჭირდება.

მიმოხილვა

Base URL: https://api.chkuiskolopi.ge/api

ორი ტიპის წვდომა არსებობს:

ვიჯეტის ენდფოინთები — ავტორიზაცია არ სჭირდება; ბოტის ამოსაცნობად საკმარისია public_key (body/query-ში). ამათ ვიჯეტი ავტომატურად იყენებს.
პარტნიორული API — ბოტების პროგრამული მართვისთვის; ითხოვს header-ს Authorization: Bearer <access_token> (ტოკენს ავტორიზაციით იღებ). ვადაგასული/არასწორი ტოკენი → 401.

ბოტების უმეტესობა კოდის გარეშე, პორტალიდან იმართება — API გჭირდება მხოლოდ მაშინ, თუ საკუთარი ავტომატიზაცია გინდა.

სწრაფი სტარტი

პორტალში შექმენი ბოტი და აიღე მისი public_key (ჩასაშენებელი კოდის მოდალში ჩანს).
ჩასვი ერთი ხაზი საიტის <body>-ის ბოლოს:

<script src="https://api.chkuiskolopi.ge/api/scrap/widget.js?key=PUBLIC_KEY"></script>

სურვილისამებრ შეამოწმე ბოტი პირდაპირ API-თი:

curl -X POST -H "Content-Type: application/json" \
  -d '{"partner_key":"PUBLIC_KEY","query":"გამარჯობა","session_id":"test-1","deviceInfo":{"device_name":"curl","ip_address":""}}' \
  https://api.chkuiskolopi.ge/api/scrap/widget/query/

სკრიპტი თვითონ ქმნის მცურავ ღილაკს (ქვედა-მარჯვენა კუთხე) და ჩატის პანელს. სერვერული აწყობა, CSS ან დამატებითი კოდი არ სჭირდება.

სესია ინახება ვიზიტორის localStorage-ში, გასაღებით ck_session_<key-ის პირველი 8 სიმბოლო>.
ვადა — 1 საათი (მოქმედებისას ვადა უახლდება). ვადის გასვლის შემდეგ ახალი სესია იწყება.
საუბრის ისტორია სესიას მიჰყვება — ბოტს ერთი სესიის ფარგლებში წინა კითხვა-პასუხი ახსოვს.

ვიჯეტის ენდფოინთები (/api/scrap/widget/…) ნებისმიერი Origin-იდან დაშვებულია — გასაღები body-შია და cookie არ გამოიყენება. CORS-ის კონფიგურაცია პარტნიორს არ სჭირდება.

public_key გვერდის HTML-ში ჩანს — ეს განზრახ ასეა (საჯარო იდენტიფიკატორი). ბოროტად გამოყენებას დომენების სია აჩერებს.
ცარიელი სია = ვიჯეტი ყველა საიტზე მუშაობს.
არაცარიელი სია → სერვერი შეკითხვისას ამოწმებს Origin/Referer-ს: ჰოსტი უნდა ემთხვეოდეს ზუსტად ან იყოს ქვედომენი. ჩავარდნა → 403 {"error":"domain_not_allowed"}.
ჩაწერისას მისამართები ნორმალიზდება: https://Example.com/x → example.com; მძიმეებით გამოყოფილი სიაც მიიღება.
გათიშული ბოტის (is_active=false) გასაღები → 401 Invalid partner_key.

პორტალის სატესტო ფანჯარა: დომენ-ჩაკეტილი ბოტი პორტალის preview-ში 403 domain_not_allowed-ს დააბრუნებს (preview სხვა დომენზეა) — ეს დაცვის მუშაობის ნიშანია და არა ხარვეზი. ტესტისთვის დომენი დროებით მოხსენი.

ვიჯეტის კონფიგურაცია (`config`)

ბოტის config JSON-ობიექტია. იცვლება პორტალიდან, ოსტატის თხოვნით ან PATCH-ით. ცვლილება merge-ით ერწყმის არსებულს — გადააგზავნე მხოლოდ შესაცვლელი გასაღები, დანარჩენი ხელუხლებელი რჩება. ყოველი ცვლილების წინ ძველი მდგომარეობა ავტომატურად ინახება (აღდგენადია).

მისალმება — `greeting`

ტექსტი, რომელსაც ვიჯეტი პანელის პირველ გახსნაზე აჩვენებს ბოტის ბუშტად.
ლოკალურად ჩნდება — სერვერზე არაფერი იგზავნება და არ ფასიანდება.
თუ ბოტს კითხვარიც აქვს: ჯერ მისალმება, მერე ხე იწყება.

Enter ღილაკი — `enter_sends`

ნაგულისხმევად: Enter = ახალი ხაზი; შეტყობინება იგზავნება მხოლოდ „Send" ღილაკით.
"enter_sends": true → Enter აგზავნის, Shift+Enter = ახალი ხაზი. მობილურზეც მოქმედებს.

ქცევები — `behaviors`

ობიექტი boolean-ჩამრთველებით; რაც არ წერია — გამორთულია:

გასაღები	რას რთავს
`typing`	„წერს…" ანიმაცია პასუხის მოლოდინში
`processing`	გრძელ (>100 სიმბ.) შეკითხვაზე შუალედური ბუშტი „ინფორმაციას ვამუშავებ ⏳"
`reset`	„ახალი ჩატი"/„თავიდან"/„/reset" ტექსტით ან ↺ ღილაკით ახალი სესია (მთლიანად კლიენტის მხარეს)
`debounce`	~2.5 წამში მიყოლებით გამოგზავნილი მესიჯები ერთ შეკითხვად ერთიანდება
`voice`	🎤 ღილაკი — ხმის გარდაქმნა ტექსტად (ქართული ენა); ტექსტი ველში ჯდება და ვიზიტორი თვითონ აგზავნის
`file_upload`	📎 ღილაკი — დოკუმენტის (PDF/DOCX/XLSX/CSV/TXT) ან სურათის (JPG/PNG/WEBP) ატვირთვა; შიგთავსი (OCR-ის ჩათვლით) მომდევნო შეკითხვას მიჰყვება

ხმა ფასიანია: ტრანსკრიფცია პარტნიორის ბალანსიდან იხარჯება გაშიფვრის მომენტში. გამორთულ ქცევაზე შესაბამისი ენდფოინთი 403-ს აბრუნებს; ბალანსი < $1 → 402. ჩაწერისას 10 წამი სიჩუმე → ავტო-გაჩერება და გაშიფვრა; სუფთა სიჩუმე არ იშიფრება და არაფერი ღირს; ერთი ჩანაწერი მაქს. 15 წუთი.

იერსახე — `theme`

ფერები და ფორმა CSS-ცვლადებად ესმება ვიჯეტს. theme რომ არ აქვს — ნაგულისხმევი ლურჯი/თეთრი იერი. ყველა ველი არჩევითია; არასწორი მნიშვნელობა უბრალოდ იგნორირდება.

ჯგუფი	გასაღებები
ფერები (hex ან rgb/rgba)	`accent` (მთავარი — ღილაკი/სათაური/Send/იუზერის ბუშტი), `on_accent`, `panel`, `bot_bg`/`bot_text`, `user_bg`/`user_text`, `field_bg`/`field_text`/`field_border`/`line`, `muted`
ფორმა (px ან %)	`radius` (პანელი), `bubble_radius`, `field_radius`, `btn_radius`, `launcher_radius` (`50%`=წრე, `28px`=აბი, `12px`=კვადრატი)
მცურავი ღილაკი	`launcher_icon` (ემოჯი) ან `launcher_logo` (სურათის URL, ლოგოს ატვირთვით). ლოგო თუ მითითებულია — ხატი იგნორირდება
ბრენდინგი	`hide_branding: true` → „powered by chkuiskolopi.ge" ბმული იმალება (white-label)

Markdown-რენდერი პასუხებში

ვიჯეტი ბოტის პასუხს ავტომატურად აფორმატებს Markdown-ად — ყველა ბოტისთვის, კონფიგის გარეშე: bold/italic, სათაურები (#–######), ბულეტ- და ნუმერირებული სიები, ციტატები (>), ინლაინ-კოდი და კოდის ბლოკები, ბმულები [ტექსტი](https://…) (ახალ ტაბში; http/https/mailto), აბზაცები.

უსაფრთხოება: ტექსტი ჯერ HTML-escape-დება და მერე ფორმატდება — <script> და სხვა HTML არასდროს სრულდება.

რჩევა: ბოტის ინსტრუქციაში ჩაწერე: „პასუხები დააფორმატე Markdown-ით: მთავარი ტერმინები bold-ით, ვარიანტები ბულეტ-სიად, სექციები სათაურებით, გრძელი პასუხი აბზაცებად."

კითხვარი — ღილაკებიანი ხის სქემა

ინახება config.questionnaire-ში. ხე მთლიანად ვიჯეტში (ბრაუზერში) მუშაობს — სერვერამდე მხოლოდ ერთი ჩვეულებრივი ტექსტური შეკითხვა მიდის კითხვარის ბოლოს. questionnaire რომ არ აქვს — ვიჯეტი თავისუფალი ჩატია.

ნაბიჯის სქემა

"step_key": {
  "text": "ბოტის შეტყობინება ამ ნაბიჯზე",
  "buttons": [
    { "label": "ღილაკის წარწერა", "value": "მნიშვნელობა", "next_step": "შემდეგი_ნაბიჯი" }
  ],
  "show_stop_button": true,
  "allow_custom_input": false
}

ველი	მნიშვნელობა
`text`	ბოტის ბუშტში გამოჩნდება ნაბიჯის გახსნისას
`buttons[].label`	ღილაკზე წერია და არჩევისას user-ბუშტად ემატება
`buttons[].value`	ინახება პასუხებში
`buttons[].next_step`	შემდეგი ნაბიჯის გასაღები; `"END"` ან ცარიელი → დასრულება
`show_stop_button`	`true` → ემატება ნაცრისფერი ღილაკი „შეწყვეტა"
`allow_custom_input`	`true` → ტექსტის ველი ჩართულია; აკრეფილი ტექსტი ხდება პასუხი და გადადის პირველი ღილაკის `next_step`-ზე (ღილაკი თუ არაა — END)

რეზერვირებული „_"-გასაღებები

questionnaire-ში ქვედა ტირეთი დაწყებული გასაღებები ველებია და არა ნაბიჯები:

გასაღები	მნიშვნელობა	ნაგულისხმევი
`_final_prompt`	დასკვნითი ინსტრუქცია, რომელიც კითხვარის ბოლოს ბოტს ეგზავნება პასუხებთან ერთად	„ამ პასუხების მიხედვით დაეხმარე ვიზიტორს."
`_stop_prompt`	იგივე, „შეწყვეტა"-თი ნახევრად გავლილ კითხვარზე	„ვიზიტორმა კითხვარი შეწყვიტა. აქამდე არსებული პასუხების მიხედვით დაეხმარე."

ნაბიჯის სახელი „_"-ით არასდროს დაიწყო — ძრავი მას ნაბიჯად არ ჩათვლის.

ძრავის ქცევა

საწყისი ნაბიჯი (root): ის გასაღები, რომელსაც ვერც ერთი next_step ვერ ასახელებს. ხეს ჰქონდეს ზუსტად ერთი root.
კითხვარი იწყება პანელის პირველ გახსნაზე, ერთხელ. თუ ბოტს greeting-იც აქვს — ჯერ მისალმება, მერე ხე.
ღილაკიან ნაბიჯზე ტექსტის ველი გათიშულია (გარდა allow_custom_input: true-სი).
უცნობი next_step → ხე ნაადრევად სრულდება — გატეხილ ბმულებს მიჰყევი თვალი.
დასრულებაზე ვიჯეტი აწყობს ერთ ტექსტს (კითხვა-პასუხების სია + _final_prompt) და ჩვეულებრივ შეკითხვად აგზავნის — ბოტი პასუხობს უკვე თავისი ინსტრუქციით და ცოდნის ფაილებით.
„შეწყვეტაზე": პასუხები თუ არსებობს — იგზავნება _stop_prompt-ით; თუ არა — თავისუფალი ჩატი ირთვება.

სრული მაგალითი (გამოგონილი კაფეს ბოტი)

{
  "questionnaire": {
    "start": {
      "text": "გამარჯობა! რით დაგეხმაროთ?",
      "buttons": [
        { "label": "მენიუ მაინტერესებს", "value": "menu", "next_step": "menu_type" },
        { "label": "მაგიდის დაჯავშნა", "value": "booking", "next_step": "guests" }
      ],
      "show_stop_button": true
    },
    "menu_type": {
      "text": "რა გირჩევნიათ?",
      "buttons": [
        { "label": "ყავა და დესერტი", "value": "coffee", "next_step": "END" },
        { "label": "საუზმე", "value": "breakfast", "next_step": "END" }
      ],
      "show_stop_button": true
    },
    "guests": {
      "text": "რამდენი სტუმარი იქნებით? (შეგიძლიათ აკრიფოთ)",
      "buttons": [
        { "label": "2", "value": "2", "next_step": "END" },
        { "label": "4", "value": "4", "next_step": "END" }
      ],
      "allow_custom_input": true,
      "show_stop_button": true
    }
  }
}

პარტნიორული REST API

ავტორიზაცია

POST /user/registration/

Body: {email, password, deviceInfo:{device_name, ip_address}, source:"partner"} → იწყება ელფოსტის ვერიფიკაცია. "source":"partner"-ით რეგისტრირებული ანგარიში ვერიფიკაციისას იღებს $5 საჩუქარს და უბრუნდება პორტალს.

POST /user/login/

Body: {email, password} → {access_token, refresh_token}. ყველა პარტნიორული ენდფოინთი ითხოვს Authorization: Bearer <access_token> header-ს; ვადაგასულზე → 401, ხელახლა შედი.

GET /user/api-key/ · legacy

→ {api_key} — ძველი საერთო გასაღები. POST /user/api-key/regenerate/ ახალს ქმნის და ძველი უქმდება — ეს ტეხავს მხოლოდ legacy გასაღებით ჩაშენებულ ვიჯეტებს; ბოტების per-agent public_key-ებს არ ეხება. ახალი ინტეგრაციებისთვის ყოველთვის ბოტის public_key გამოიყენე.

ბოტები (agents)

agent ობიექტი: {id, name, public_key, system_prompt, enabled_tools, model_tier, is_active, allowed_domains, config, telegram_connected, telegram_bot_username, facebook_connected, facebook_page_name, …}

GET /scrap/partner/available-tools/

→ {"tools":[{id, label, description}]} — ჩართვადი ხელსაწყოების კატალოგი: ინტერნეტში ძებნა, მეხსიერება, ვირტუალური ეკრანი/ბრაუზერი, ჭკუის დონის გადართვა და ექსპერტებზე გადამისამართებები. enabled_tools: [] = სრული საბაზო ნაკრები გადამისამართებების გარეშე; არაცარიელი სია = მხოლოდ ჩამოთვლილი. უცნობი ID ჩუმად იგნორირდება.

GET /scrap/partner/agents/

→ {"agents":[…]} — მხოლოდ საკუთარი ბოტები.

POST /scrap/partner/agents/create/

Body: {name, system_prompt, model_tier, enabled_tools, allowed_domains?, config?} → 201 + agent.

model_tier: cheap | medium | strong (სხვა მნიშვნელობა → ჩუმად cheap). ეს საწყისი დონეა ახალი სესიისთვის — ვიზიტორის მიერ საუბარში არჩეული დონე სესიის ბოლომდე იმარჯვებს.
allowed_domains: სია ან მძიმეებიანი ტექსტი; URL-ებიდან ჰოსტი ავტომატურად ამოიჭრება.
config: მხოლოდ ობიექტი → სხვა ტიპზე 400 config_must_be_object.

curl -X POST -H "Authorization: Bearer $T" -H "Content-Type: application/json" \
  -d '{"name":"კონსულტანტი","system_prompt":"შენ ხარ...","enabled_tools":[],"model_tier":"cheap"}' \
  https://api.chkuiskolopi.ge/api/scrap/partner/agents/create/

PATCH /scrap/partner/agents/<id>/

ნაწილობრივი განახლება — იცვლება მხოლოდ გაგზავნილი ველები. config merge-ით ერწყმის არსებულს (გადააგზავნე მხოლოდ შესაცვლელი გასაღები); ყოველი ცვლილების წინ ძველი მდგომარეობა ავტომატურად ინახება. is_active: false → ვიჯეტი ჩერდება. → 200 + agent · 404 თუ ბოტი ვერ მოიძებნა.

POST /scrap/partner/agents/<id>/transfer/

Body: {recipient: "ელფოსტა"} → ბოტი მიმღების ანგარიშზე გადადის. შეუქცევადია. შეცდომები: recipient_required, agent_not_found, recipient_not_found, recipient_not_unique, cannot_transfer_to_self.

ცოდნის ფაილები

GET /scrap/partner/agents/<id>/files/

→ {files:[{id, file_name, char_count, created_at}], total_chars, max_total_chars: 30000, max_files: 5}

POST /scrap/partner/agents/<id>/files/upload/

multipart, ველი file. ფაილიდან მხოლოდ ტექსტი ინახება — ორიგინალი არ რჩება. ტიპები: PDF, DOCX, XLSX, TXT, CSV, MD, JSON, LOG. დასკანერებული PDF ტექსტს ვერ იძლევა → extraction_failed.

curl -X POST -H "Authorization: Bearer $T" -F "file=@katalogi.pdf" \
  https://api.chkuiskolopi.ge/api/scrap/partner/agents/7/files/upload/

POST /scrap/partner/agents/<id>/files/<file_id>/delete/

→ {ok: true, total_chars}. შეუქცევადია (ორიგინალი არ ინახება).

შეცდომის კოდები: file_required · too_many_files (მაქს. 5) · file_too_large (მაქს. 5MB) · unsupported_type · extraction_failed · knowledge_limit_exceeded (ჯამური 30 000 სიმბოლო; პასუხს მოჰყვება used, file_chars, limit).

ლოგოს ატვირთვა

POST /scrap/partner/agents/<id>/logo/

multipart, ველი file — PNG/JPG/WEBP/GIF, ≤ 1MB → {"url": "https://…"}. დააბრუნებული URL ჩასვი config.theme.launcher_logo-ში. შეცდომები: file_required, unsupported_type, file_too_large, upload_failed.

არხები — Telegram და Messenger

POST /scrap/partner/agents/<id>/telegram/connect/

Body: {bot_token: "@BotFather-ის ტოკენი"}. სერვერი ტოკენს ამოწმებს და ბოტს ავტომატურად უკავშირებს — სხვა ნაბიჯი არ გჭირდება. → {ok: true, telegram_connected: true, telegram_bot_username}. ტოკენი პასუხებში არასდროს ბრუნდება. შეცდომები: bot_token_required, invalid_bot_token, setwebhook_failed, telegram_unreachable, agent_not_found.

POST /scrap/partner/agents/<id>/telegram/disconnect/

→ {ok: true, telegram_connected: false}.

POST /scrap/partner/agents/<id>/facebook/connect/

Body: {page_token: "Page Access Token"} (შენი ვერიფიცირებული Meta-ბიზნესის აპიდან). → {ok: true, facebook_connected: true, facebook_page_name, webhook_url, verify_token} — ეს ორი მნიშვნელობა ჩასვი შენი Meta-აპის Webhooks განყოფილებაში (Callback URL + Verify Token) და გამოიწერე გვერდის messages, messaging_postbacks ივენთები. Page-ტოკენი პასუხებში არასდროს ბრუნდება. შეცდომები: page_token_required, invalid_page_token, facebook_unreachable, agent_not_found.

POST /scrap/partner/agents/<id>/facebook/disconnect/

→ {ok: true, facebook_connected: false}.

ბალანსი და შევსება

POST /scrap/get-user-balance/

Body: {} (Bearer) → {balance} (USD).

POST /scrap/recharge/smart-router/

Body: {amount: ≥10} (USD) → გადახდის ბმული: საქართველოდან — ბარათით ლარში (ეროვნული ბანკის კურსით), საზღვარგარეთიდან — დოლარში (PayPal). პასუხში მოძებნე payment_url ან approval_url და გადაამისამართე მომხმარებელი. 400 — თანხა 10 დოლარზე ნაკლებია.

GET /scrap/widget.js?key=<public_key>

→ ვიჯეტის JavaScript — გასაღების მიხედვით უკვე შეიცავს ბოტის კითხვარს, მისალმებას, ქცევებს და თემას.

POST /scrap/widget/query/

Body: {partner_key, query, session_id, deviceInfo:{device_name, ip_address}}

→ 200: {response, DocumentLinks, chat_id, …} — მთავარი ველი response-ია (ბოტის პასუხი, Markdown-ტექსტი); დანარჩენი დამხმარე ველებია და შეიძლება ცარიელი იყოს.

შეცდომები: 400 partner_key is required · 401 Invalid partner_key · 402 ბალანსი < $1 · 403 domain_not_allowed.

/scrap/widget/transcribe/ და /scrap/widget/upload/ ვიჯეტის შიდა ენდფოინთებია (🎤 და 📎 ღილაკები მათ ავტომატურად იყენებენ): მუშაობენ მხოლოდ შესაბამისი ქცევის ჩართვისას (403 გამორთულზე), ხმა ფასიანია, ფაილი ≤ 6MB — დოკუმენტები და სურათები (სურათებზე და დასკანერებულ PDF-ზე ტექსტს OCR კითხულობს).

შეცდომების ცნობარი

კოდი	როდის	რა ვქნა
`400`	არასწორი მოთხოვნა — აკლია ველი ან ტიპი არასწორია (`config_must_be_object`, `Min amount 10 USD`…)	შეასწორე body პასუხის `error`-ის მიხედვით
`401`	არასწორი/ვადაგასული ტოკენი ან `Invalid partner_key` (გათიშული ბოტის გასაღების ჩათვლით)	ხელახლა შედი ან შეამოწმე გასაღები და ბოტის აქტიურობა
`402`	ბალანსი ამოიწურა (ვიჯეტი მუშაობს ბალანსზე ≥ $1)	შეავსე ბალანსი
`403`	`domain_not_allowed` — საიტი დომენების სიაში არ არის; ან გამორთული ქცევის ენდფოინთი	დაამატე დომენი სიაში / ჩართე ქცევა
`404`	ბოტი/ფაილი ვერ მოიძებნა (ან სხვისია)	შეამოწმე id
`413`	ფაილი ზედმეტად დიდია	შეამცირე ფაილი
`502`	გარე არხი (Telegram/Facebook) დროებით მიუწვდომელია	ცოტა ხანში სცადე თავიდან

ლიმიტების ცნობარი

რა	ლიმიტი
ცოდნის ფაილები ბოტზე	5 ფაილი · თითო ≤ 5MB · ჯამური ტექსტი ≤ 30 000 სიმბოლო
ვიჯეტის სესია	1 საათი უმოქმედობაზე (მოქმედებისას უახლდება)
ვიჯეტის 🎤 ხმა	ერთი ჩანაწერი ≤ 15 წთ; 10 წმ სიჩუმეზე ავტო-გაჩერება; სუფთა სიჩუმე უფასოა
Telegram ხმოვანი	≤ 3 წუთი — გრძელზე ბოტი მოკლეს ითხოვს (ხარჯი 0)
Messenger აუდიო	≤ ~2MB
ვიჯეტის 📎 ფაილი	≤ 6MB (PDF/DOCX/XLSX/CSV/TXT/JPG/PNG/WEBP)
ლოგო	≤ 1MB (PNG/JPG/WEBP/GIF)
ბალანსი	ვიჯეტი მუშაობს ≥ $1-ზე; მინიმალური შევსება $10; რეგისტრაციაზე $5 საჩუქარი

კარგი პრაქტიკა

ბრძანე Markdown: ინსტრუქციაში ჩაუწერე ბოტს პასუხების Markdown-ით ფორმატირება — ვიჯეტი ლამაზად აჩვენებს.
დააყენე მისალმება: უფასოა და ბოტს პირველი შთაბეჭდილება აძლევს.
ჩაკეტე დომენები: გაშვებამდე ჩაწერე შენი საიტები დომენების სიაში — გასაღები საჯაროა და ეს ერთადერთი კარიბჭეა.
config-ს ნაწილობრივ წერე: PATCH merge-ით მუშაობს — გადააგზავნე მხოლოდ შესაცვლელი გასაღები და კითხვარს/თემას ვერ წაშლი შემთხვევით.
ცოდნა კომპაქტურად: ბოტი ცოდნის კალათას ყოველ პასუხზე მთლიანად ითვალისწინებს — ზედმეტი „წყლის" გარეშე ტექსტი უკეთეს პასუხებს იძლევა.
ტესტი პორტალშივე: ბოტის რედაქტირებისას გვერდზე ცოცხალი preview-ა — ცვლილება მაშინვე მოქმედებს, გადატვირთვა არ სჭირდება.

კითხვა დაგრჩა? პორტალის „ოსტატი" ტექნიკურ კითხვებზეც პასუხობს, ან მოგვწერე: info@chkuiskolopi.ge

დეველოპერის გზამკვლევი

მიმოხილვა

სწრაფი სტარტი

ვიჯეტის ჩაშენება

სესია

CORS

დომენების სია (allowed domains) — დაცვის კარიბჭე

ვიჯეტის კონფიგურაცია (`config`)

მისალმება — `greeting`

Enter ღილაკი — `enter_sends`

ქცევები — `behaviors`

იერსახე — `theme`

Markdown-რენდერი პასუხებში

კითხვარი — ღილაკებიანი ხის სქემა

ნაბიჯის სქემა

რეზერვირებული „_"-გასაღებები

ძრავის ქცევა

სრული მაგალითი (გამოგონილი კაფეს ბოტი)

პარტნიორული REST API

ავტორიზაცია

ბოტები (agents)

ცოდნის ფაილები

ლოგოს ატვირთვა

არხები — Telegram და Messenger

ბალანსი და შევსება

ვიჯეტის ენდფოინთები (ავტორიზაციის გარეშე)

შეცდომების ცნობარი

ლიმიტების ცნობარი

კარგი პრაქტიკა

დეველოპერის გზამკვლევი

მიმოხილვა

სწრაფი სტარტი

ვიჯეტის ჩაშენება

სესია

CORS

დომენების სია (allowed domains) — დაცვის კარიბჭე

ვიჯეტის კონფიგურაცია (config)

მისალმება — greeting

Enter ღილაკი — enter_sends

ქცევები — behaviors

იერსახე — theme

Markdown-რენდერი პასუხებში

კითხვარი — ღილაკებიანი ხის სქემა

ნაბიჯის სქემა

რეზერვირებული „_"-გასაღებები

ძრავის ქცევა

სრული მაგალითი (გამოგონილი კაფეს ბოტი)

პარტნიორული REST API

ავტორიზაცია

ბოტები (agents)

ცოდნის ფაილები

ლოგოს ატვირთვა

არხები — Telegram და Messenger

ბალანსი და შევსება

ვიჯეტის ენდფოინთები (ავტორიზაციის გარეშე)

შეცდომების ცნობარი

ლიმიტების ცნობარი

კარგი პრაქტიკა

ვიჯეტის კონფიგურაცია (`config`)

მისალმება — `greeting`

Enter ღილაკი — `enter_sends`

ქცევები — `behaviors`

იერსახე — `theme`