აქ ძველი ამბებია — რიგზე, ახლიდან ძველისკენ. ახალი სიახლეები მთავარ გვერდზეა.
მშვიდობა და სიმშვიდე თქვენს ოჯახებს. დღესასწაულზე ცარიელი ხელით არ მოვსულვართ — იმ კვირაში ჭკუის კოლოფს რამდენიმე ისეთი რამ დაემატა, რაზეც დიდი ხანი ვმუშაობდით.
აღარ წერ — ელაპარაკები. ჩატში, მიკროფონის გვერდით, გამოჩნდა ყურმილის ღილაკი: დააჭერ და ცოცხალი საუბარი იწყება, როგორც ტელეფონზე. შენ ლაპარაკობ, ის გისმენს და ხმით გპასუხობს — აკრეფა, ლოდინი და გაგზავნის ღილაკი აღარაა.
და ეს ცალკე რობოტი არ არის. ხმა იმ სპეციალისტს ეკუთვნის, ვისთანაც უკვე საუბრობ — იურისტს, ექიმს, ფსიქოლოგს თუ მორიგეს. რთულ კითხვაზე ხმა მარტო არ რჩება: უკან იგივე „დიდი ტვინი" უდგას, რომელიც ჩატში პასუხობს, ამიტომ სერიოზულ საკითხზეც სერიოზულ პასუხს იღებ.
სცადე ახლავე →პოსტის ქვეშ კომენტარი ჩნდება — და პასუხი უკვე დაწერილია, შენივე ტონით. ერთი დაჭერით ამტკიცებ, ან სულაც ავტომატზე უშვებ და თვითონ პასუხობს. ღამის სამზეც კი კითხვა უპასუხოდ აღარ რჩება.
ასეთი სერვისისთვის ფეისბუქი ჩვეულებრივ ბიზნესის ვერიფიკაციას ითხოვს — უსასრულო პროცედურაა და თვეობით ითრევს. ჩვენ სხვა გზა ვიპოვეთ: საკმარისია შენივე გვერდის ჩვეულებრივი ნებართვა და პასუხები დღესვე იწყება. ლოდინი არ არის.
უბრალოდ ეუბნები ოსტატს, როგორ უნდა პასუხობდეს: რა ტონი გინდა, რა ხელმოწერა დაიდოს, აქციაზე რა თქვას და სამძიმარზე — რა. კონკრეტულ პოსტს ცალკე მითითებასაც მისცემ. ყველაფერი საუბრით.
დეველოპერის პორტალი →ბიზნესი საკუთარ ასისტენტს ერთ ხაზ კოდში ჩაისვამს და იხდის მხოლოდ რეალურ გამოყენებაში. ხმაც მუშაობს.
ჩვენი თილისმა ცოცხალი საუბრის დროს გვერდით გიდგება — გისმენს, ფიქრობს და გპასუხობს. ხედავ, რომ საუბარი მიდის, სანამ სიტყვა ჩამოვა.
ახალ სტუმარს, რომელიც უბრალოდ კითხულობს „ეს რა საიტია და როგორ მუშაობს?", ჯიბეში ხელი აღარ უნდა ჩაეყოს. პირველი პასუხები ჩვენზეა.
ასგვერდიან სარჩელსაც კი დანართებიანად კითხულობს. სანამ დაიწყებს, გეუბნება, რამდენი გვერდია და რა დაჯდება — გადაწყვეტილება შენია.
დოკუმენტს პირდაპირ დამხმარესთან დებ და იქვე ეკითხები — ცალკე სპეციალისტთან გადასვლა აღარ გჭირდება.
ვირტუალურ ეკრანს გახსნის, სასამართლოს სისტემაში შევა, საქმეს იპოვის, გადაწყვეტილებას ჩამოტვირთავს და წაიკითხავს. შენ უყურებ და კონტროლს ნებისმიერ წამს იბრუნებ.
თითოეულ ადამიანს — მამას, შვილს, ბებიას — თავისი ცალკე ჯანმრთელობის ისტორია აქვს. არაფერი ერევა და არაფერს იმეორებ თავიდან.
ჯიტამ ჩვენი პლატფორმა SWITCH-ზე შეარჩია — Singapore Week of Innovation and Technology, აზიის მთავარი deep-tech ფორუმი. 27—29 ოქტომბერი 2026, Sands Expo. 25 000 სტუმარი, 400 სტარტაპი, 30 ეროვნული პავილიონი — და ქართული AI პირველად იქ.
სრულად ნახე →ბიზნესებმა ჩვენი ასისტენტი საკუთარ საიტებზე ჩასვეს. გრანტის გარეშე.
ფინალში გავედით. გრანტი ვერ ავიღეთ, რადგან არც გვინდოდა.
იდეა კომპანიად გაფორმდა.
პირველი ღია აღიარება, სცენაზე.
პირველი მომხმარებელი. მაშინ ქართულად მოლაპარაკე ხელოვნური ინტელექტი ჯერ არავის ჰქონდა.
მთელი ისტორია →ჭკუის კოლოფი — პირველი ქართული მულტიფუნქციური AI პლატფორმა